Ganda kringet sing ora enak, senadyan katone sepele,
nanging bisa mangaribawani pasrawungan. Yen ora tumuli ditanggulangi,
wong kang nduweni penyakit BB (bau badan)ngene iki bisa-bisa bakal
didohi dening mitra-mitrane. Ambune kringet sing ora enak biyasane disebabake
dening getih reged sarta gangguwan ati utawa jantung. Ing ngisor iki resep
alternatif kanggo ngilangi ganda kringet sing ora sedhep mau:
1. 30 kuncup kembang melathi (Jasminum
sambac) dicemplungake gelas kang wis diiseni banyu mateng. Gelas nuli
ditutup plastik kang dibolongi cilik-cilik, banjur dibun-bunake jroning
sewengi. Esuke banyu kasebut lagi diombe. Saran liyane tumrap sing nduweni penyakit
ganda awak iki: adus kanthi rutin; nyingkiri mangan jerohan, endhog, iwak laut
lan daging wedhus; ora kena ngombe es lan alkohol.
2. Bisa uga nggunakake gondhong kemangi (Ocimum
bassilicum formaciratum), luntas(Pluchea indica) lan blimbing
wuluh(Avverhoa bilimbi) 5 iji. Kemangi, luntas dalah blimbing wuluh
mau diganyang kanggo lalapan dhahar.
3. Obat alternatif liyane: kunir(Curcuma
domestika)2 ros, banyu gula aren 2/3 gelas. Kunir kang wis diparut
dicemplungake gelas isi banyu gula aren, diudheg nganti rata. Disranti sauntara
wektu engga kunire meneb ana dhasar gelas. Ramuwan iki diombe rutin sadurunge
sare, lan kudu ditindakake kanthi teratur saben bengi.
Wasana
sugeng nyoba.
Tidak ada komentar:
Posting Komentar